احبك كثر ما قد صار احبك رغم ما قد صار
احبك كثر ما دنيا الزعل والصـد مهجـوره

احبك كثر ما تمطر بصدري من غلاك امطـار
احبك كثر ما صارت اراضي العشق ممطـوره

احبك كثر ما تفتـح شبابيـك الربيـع ازهـار
احبك كثر ما غنّت عشان الصبـح عصفـوره

احبك كثر ما تاقف على جنب الطريق اشجـار
احبك كثر ما يقسى الشتـا وتهاجـر طيـوره

احبك كثر ما ف الأرض بنتٍ تلفـت الأنظـار
احبك كثر ما يرتاح عطـر بصـدر مغـروره

احبك كثر ما جاب المساء فـي معطفـه زوار
احبك كثر مـا جانـا صبـاحٍ يشبهـك نـوره

احبك كثر ما تهدي كفوف الوصل مـن تذكـار
احبك كثر ما شالت يديـن العاشـق زهـوره

احبك كثر ما نقرا عن الفارس عـن المغـوار
احبك كثر ما نسمـع ولا شفنـا ولا اسطـوره

احبك كثر ما تلعـب بدنيـا العاشقيـن اقـدار
احبك كثر ما .. ذا الحظ دايم يعلـن قصـوره

احبك كثر ما عاثـت ريـاح بحسبـة البحـار
احبك كثر ما البحـار يعشـق نسمـة بحـوره
احبك كثر ما يتلحف اللي منشغـل باعـذار
احبك كثر ما ف الناس نـاس بجـد معـذوره

احبك كثر مـا ملّـت قصايدنـا مـن التكـرار
احبك كثر ما الشاعر تمنـى حـب جمهـوره

احبك كثر ما شفنا على وجـه الزمـان اثـار
احبك كثر ما في الأرض فقر وناس ميسـوره

احبك كثر ما نجهل متى توقف بنـا الأعمـار
احبك كثر ما قلنـا عـن الأحـوال مستـوره
احبك كثر مـا دارت بذهـن الحالميـن افكـار
احبك كثر ما في الخير ناس ب خير مذكـوره

احبك كثر ما نرمـي حكايـات الحطـب للنـار
احبك كثر ما نسمـع حكايـا حـب مشهـوره

احبك كثر ما ضاق السجيـن بلعنـة الأسـوار
احبك كثر ما هـاج البحـر واجتاحتـه ثـوره

احبك كثر ما ننسى واحبك كثـر مـا نحتـار
احبك كثر ما يسهر محب وفـي يـده صـوره
احبك كثر ما تقطع شفاتك ف العسـل مشـوار
احبك كثر ما خدك يخلـي الشمـس مبهـوره

احبك كثر ما روّج عليك الحسن مـن اخبـار
احبك كثر ما صدرك يـدوخ الـورد بعطـوره

احبك كثر ما في عينك من السحـر والأغـوار
احبك كثر ما فيك الغـلا مـا وفّـت سطـوره

احبك والزمن ساكن واحبـك لـو زمانـي دار
احبك يا مدينة حب وسـط الصـدر معمـوره
احبك والتفت شاعر لعينك و انطـرت اشعـار
حلف ما يمسي الليله قبل مـا يكتـب شعـوره

ورتبتك بصدري وانت تستاهـل وراعـي دار
تفضّل قلّـب اوراق الغـلا وايديـك مشكـوره

ذكرتك وانت لو مثلك ذكرتـه هلّـت الانـوار
وقمت اجمع من اشواقي قصايد عشق منثـوره

تلبّست الجمال وقلت ابهديـك القصيـد ازرار
غلاك وصدق حبك ما ترك لي نفس مكسـوره

انا عاشق جمال وما خفاني ف الجمال اسـرار
انا لامن كتبت اعطيك واعطي العشق بك دوره

كتبتك ف القصيد ابيات من حسنك عليك تغـار
حروف العشق طفله في ثياب العيد مسـروره

لقيتك والدلع والثقل ( شِلّه) والحسـن ثرثـار
يقول اشيا كثيره للعيـون ويثبـت حضـوره

كفايه لو تطل ويفـرح اب طلّتـك دار وجـار
كفايه لو تشوف الناس في نظرتـك مأسـوره

غرامك يغري حروفٍ سقاها الصدق منك امطار
كتاباتـي بتشهـد للغـرام وتحفـظ عصـوره

احبك رغم ما قد صار .. احبك حيل مهما صار
احبك دام انا طيّب .. واراضي العشق ممطوره

احبك
كم تمنيت ان اقولها , كم تمنيت ان تشعر بها
يا ليتنى استطيع ان اكتبها على جدران قلبك
ليت احساسى حبرا وسماؤه ورقا وعلى قمرك ارسمها
كم تمنيت ان يكون حبى ورده تستيقظ على عطرها
كم تمنيت ان يكون حبى ضمه تعيشي بين احضانها
كم تمنيت ان يكون حبى قصه يهيم حلمك بها
احبك لو كان قلبى ينطق لنطقت حروف اسمك
لو كانت العين تنطق لنطقت برسمك
لو كانت اليد تنطق لنطقت بامان لمسك
ولكن ليس لى الا شفاه لا تستطيع الا ان تقول
احبك احبك احبك

تحياتي

راسك علامك رافعه يـوم أحاكيـك
الظاهر إني فـوق حجمـك عطيتـك
لحظه نبي نرجـع دقيقـه لماضيـك
بذكـرك فـي أي حـالـه لقيـتـك
كـان الضيـاع ودمعتيـن تخاويـك
منهار وفي عـز انهيـارك خذيتـك
وأرخصت عمري لجل أحبك وأداريك
هدمت قصـر الـذل فيـك وبنيتـك
كـان الغـلا شمعـه تنـور لياليـك
لوأظلمـت دنيـاك جيـت وحتويتـك
ياللأسف كنت أمدحـك وأفتخرفيـك
رفعت من شانـك وعليـت صيتـك
كنت أنت عندي غيـر ماأقدرأخليـك
أموت وأحيا ان قلـت سـم وفديتـك
واليوم أشوفك خنـت حتـى مباديـك
صغرت في عيني وأنا اللي هويتـك
الضيـف لـو انـه عـدو معاديـك
غصب عليـك تقـدره وسـط بيتـك
ياصاحبي بتمـوت مانـي براجيـك
واشره علي ان كان حتـى طريتـك
لاصار ذل النفس فـي قلـب يغليـك
يلعنـك ياقلـب عشقـك وشريـتـك
اضحك حبيبـي دام وقتـك مسليـك
باكر تمـوت مـن القهـر لانسيتـك

أغرب شيء في الوجود هو الحزن
.. وكل حزن لا غري نابع من الروح .. أقسى جرح لا غري من الزمن
.. وليصار الزمن خنجر ينغرس في حشا الروح ؟ .. وما يبكي العين الأكثر المحن
.. وكثر الدمع يجرح خافتي المذبوح .. ما اشتكي أنا من دنيتي يا زمن ..
يفسر أسرار جرحي المفتوح البداية والنهاية ..
في البداية .. اجل لا قلت عنك حياتي ..
يا نبض قلبي ويابسة شقاتي وين ممكن ألاقيك ..؟
في عيوني مسكنك .. في خافتي نبض قلبك .. وفي أيدينك رعشة الجسم احتوتني
.. وفي شفاتك لا نطقت اسمي يذوب العمر في لحظة .. أجل لا قلت عنك نظر عيني ..
بلاها العين من غيرك ما تستاهل الشوفة .. يا ملاكي يا كل أوجاعي .. لا تبتعد أكثر ..
ضاقت الدنيا بدونك لا تبتعد تهمس تقول الحب هو كل ذاتي
.. تقول إني في عيونك ملاك تقول العمر من غيرك سراب ما نطيقه
وإن عيني تبعثر من خافقك حلو الكلام وإن لمست إيدي تشعل في صدرك نار ما تنطفي يا آه
.. جرحتني الذكريات ..
لا ذكرت أن الحب في صدرك غدر وإن المشاعر في حياتك مستباحة ما انته بشر ..
ما تستاهل تكون ضمن البشر ما اقساك .. وما افظع غلطتك جرحتني في صميم القلب ..
خليتني أرسم وهم حبك في ظلام الليل نور يغطي شعاع الشمس .. واليوم ..
ظلمك حجب عني جمالك اجل ما أقساك في إيدي
زرعت الحب فيني وفي أيديك قتلت الروح في عمري والنتيجة
.. كنت تسوي حياتي .. اليوم .. صرت سبة مماتي .. وهذي هي النهاية..